v******a 发帖数: 45075 | 1 【 以下文字转载自 Shanghai 讨论区 】
发信人: gutshot (shot and gutted), 信区: Shanghai
标 题: Re: 随便聊聊...聊聊
发信站: BBS 未名空间站 (Fri Nov 8 22:42:15 2013, 美东)
上海的交通邪气讨厌,比起老早满世界的脚踏车,现在是满世界的助动车,而且交关是
逆向行驶,并且绝大多数是外地宁。我问阿拉阿弟表弟,警察不管的吗?伊拉讲,哪能
管得过来?!早上某些路口有交警值勤,等他们一走,依旧如故。
但是上海主要的马路都拓宽了。照理讲,交通应该通畅交关。但是,事实上并非如此,
因为大家都勿遵守交规。阿弟讲,把我部车子开开,进出好方便些。我讲,阿爹,省省
伐,覅没事体弄点事体出来。阿拉一家门,就乘乘公交车地铁伐!
其实上海现在马路也没啥好兜了。阿拉迭趟基本上没出去哪能兜,出门碰到上海宁,都
是操着不咸不淡的国语跟侬交谈,直到确认侬是上海宁才切换成上海话。地铁除脱一号
线两号线,其他都还好。令人印象深刻的,是上海的公共交通的建设,的确厉害,其实
侬根本不需要开车子。二十条地铁线,侧那,温哥华过去十年才建了几条啊?
有句讲句,现在公交车地铁上主动让座给小囡老人的多了,包括一些在沪外地人。迭个
,是上海进步的地方,迭个比那些高楼大厦更有说服力。
不过,外地宁偶尔也露下峥嵘的。某天,搭阿拉老娘到徐家汇等地铁,人不多。阿拉在
等地铁进站的晨光,对面方向的车子到了。没几个宁下车。边上是个老伯伯,上海宁,
在站台上工作。一个外地宁小青年,走出地铁,无视就在他边上的垃圾桶,一口浓痰就
狠狠吐在清洁光滑的站台上,就在老伯伯身边。
老伯伯气得哇哇叫。我开始没看到,问他啥事体?伊讲,喏,随地吐痰。我转头去找那
个外地宁,阿拉老娘一把拉牢,讲,算了算了,外地宁勿讲道理格。老伯伯也劝我,算
了,骂两声算了。老伯伯压低声音,有种闲话我本来勿想讲格,外地宁听了勿巫兴。不
过外地宁素质真的太差!垃圾桶就勒边廊厢,只当没看到!讲来讲去,都是俞正声阿污
啊! |
|