g**1
发帖数: 10330 | 1 罰10億換自由 范冰冰身家估計有79億
292,771
建立時間 (HKT): 1003 16:37
適中字型
較大字型
范冰冰瞞稅事件幾個月，今日終於有結果，中國稅務機構公佈女星范冰冰涉「陰陽合同
」案情，佢經理人穆曉光已被刑拘。冰冰只要繳清因逃稅嘅8.84億人民幣（約10億港元
）罰款，就唔使負刑責，算執番身彩。
今日稅務局公佈嘅調查結果，有針對佢拍《大轟炸》係做陰陽合同，而前央視前名嘴崔
永元舉報佢做陰陽合同，拍4日戲收6,000萬（約6,766萬港元）。不過稅局調查出嚟就
話范冰冰實際取得片酬3,000萬元人民幣（約3,383萬港元），但只用1,000萬元（約1,
128萬港元）合約申報納稅。
咁到底范冰冰拍一部戲最高嘅片酬係幾多呢？據所知佢拍一部大約收2,000萬人民幣（
約2,256萬港元），拍《大轟炸》應該係佢收得最高片酬嘅一部戲。至於電視劇，范冰
冰平均可以收150萬到200萬一集酬勞。
不過自從范冰冰有自己工作室後，拍戲或拍劇，一般都會參與埋投資埋，所以收益已經
唔係只賺份人工。咁多年嚟佢財富已經累積到有約70億人民幣（即約79億港元），就算
今次罰咗10億，對佢嚟講應該可以應付。
范冰冰係蟬聯五年《福布斯》中國名人榜首位，嗰度夾埋，都起碼有七億港元。如果按
崔永元所講，范冰冰枱面下避稅嘅收入，約為枱面上嘅五倍，咁，有數得計喎！ |
|
