|
|---|
|
|
|
|
|
|
a*****g
发帖数: 23 | 1 发信人: Qoo (後知後覺地喜歡上Mr.), 信区: HongKong
标 题: ZZ 龍年衝閘潮 直擊大陸孕婦禍港
发信站: BBS 未名空间站 (Thu Jan 19 07:01:41 2012, 美东)
封面故事
龍年衝閘潮 直擊大陸孕婦禍港
2012年01月19日
FacebookTwitter
「雙非從未納過稅，公帑點解招呼佢；雙非衝關嚟打尖，港人優先屬謊言， Hong Kong
is Dying, We are Angry!」
六百多名市民，響應網上號召，週日下午冒雨在街上喊出一句一句的口號，反對大陸孕
婦，特別是雙非（即父及母均非本港居民）來港生仔，搶奪本港醫療教育等福利。
近年雙非嬰數目急升，由沙士時的二千多名，狂升至一○年的三萬二千多名，飆升達十
六倍；大陸孕婦「衝急症」產子問題惡化，去年全年就有一千六百多宗「衝急症」，比
前年飆升一倍，連無產科的北區醫院也照闖。這批在衝閘下出世的雙非嬰，帶來連串問
題，不但攻陷母嬰健康院，港媽被迫接受劣質產前檢查服務，嬰兒長大後更和本地學童
搶幼稚園及小學學額，港童要被迫跨區選校。
龍年生仔潮將至，醫管局預計今年分娩人數較去年大增二成二，大陸孕婦衝急症會越趨
嚴重。本港媽媽生仔變成受害者，忍無可忍，當年曾蔭權叫港人生三個，但邊境不設防
，縱容大陸孕婦湧港，港媽對這個政府感到失望，不明白為何所交的稅，為什麼不是給
自己的下一代享用，而是被迫用來助養別人的孩子及全家。
雨水阻不了這班香港媽媽的憤怒，「我當時已經喺產房著晒手術袍，打晒點滴，穿 咗
羊水，等緊催生，但突然間有個大陸孕婦衝上來叩門，話好痛要生，咁就即刻霸 咗我
個位！」陳小姐說起兩年前在瑪麗醫院的生仔經過就火滾。她勢估不到原來連瑪麗醫院
也有雙非衝閘，「我立即同護士嘈，話點解佢遲過我來會生先，如果等超過四十八小時
咁點算，護士長話唔夠牙力，後來我嘈醫生，先有產房俾我生，入到去有六張床，兩三
個都係內地人！」
放大圖片
這名 BB支持媽媽行了近兩小時，遊行隊伍於五時半到達新政府總部遞交請願信。
放大圖片
雙非嬰逼爆香港產房，製造醫療大炸彈。
香港媽媽的怒吼
已有八個月身孕的鄭太，週日亦冒雨和丈夫來遊行表達對雙非的不滿，她是公立醫院初
生嬰兒深切治療部（ NICU）護士，見過好多雙非家庭，「而家 NICU一半都係雙非 BB
！」她說很多大陸孕婦都冇做產前檢查，不顧胎兒安全，十分危險，「雙非父母來自國
內唔同階層，有錢嘅覺得香港服務好，睇醫生有福利，窮嘅就覺得來生就無後顧之憂，
我唔介意佢哋有錢來生，我哋可以收貴啲行政費用，但唔係衝閘！」她說身為前線人員
要一視同仁，「如果有個大陸孕婦衝閘，佢係打尖，但如果佢開嘅度數係大 啲，都要
替佢生先，我哋唔會分佢係港人定內地人，但如果有得揀我都想服務香港人先，我都有
啲驚自己生嗰日會好多人，要 瞓走廊，因為邊個來先，就邊個推入產房，國內人未必
個個都有 booking，令醫護人員好難預計人手。」曾在私家醫院任職的鄭太又說，私院
雙非更多，令她大感困惑，「我本來 喺政府醫院做，後來轉去私家醫院，但發現原來
差唔多有八成都係內地人，我唔想淨係 serve佢哋，所以後來都返去政府醫院做，希望
服務多 啲香港人。」
放大圖片
陳小姐說起在醫院被大陸孕婦打尖生仔的苦況，非常憤怒。
放大圖片
懷孕九月的鄭太與丈夫亦支持遊行，她擔心生仔時人多要被迫瞓走廊。
放大圖片
雙非嬰急升
大陸孕婦「衝急症」產子持續，根據醫管局數字，去年全年有一千六百五十六宗大陸孕
婦衝急症案，較前年僅七百九十六宗上升一倍，重災區為屯門醫院，沙田威爾斯親王醫
院及伊利沙伯醫院。當局預計龍年的衝急症室個案將高達一千五百多宗，另有三千三百
多宗大陸孕婦預約，連同本港孕婦產子的三萬六千多宗，全年公院合共四萬一千多宗產
子，比去年急升二成二，預計龍年的初生嬰兒深切治療部使用率會達八成九。
本刊上週六就目睹一名大陸孕婦往伊利沙伯醫院衝急症室，當時為下午六時四十分，根
據醫院資料，該名孕婦名李惠蓮，數個月前由內地來港準備產子，但簽證到期仍未生得
，在醫院附近租住地方逾期居留，直至作動就急忙到急症室衝閘。李在急症室登記時，
當值警員立即抄下其護照資料，醫護人員替她量度體溫後，便推她入觀察室檢查，其間
醫護人員發現其為第一胎，約二十分鐘後，便立即將她推入四樓產房，記者走上前追問
她為什麼衝閘來港產子，她立即拉上毛毯蒙頭不作回應，記者翌日下午再去醫院，她已
轉往二樓的婦科病房，有一名家人陪伴，記者再追問她們為何來港產子，她都拒絕回應
，十分閃縮，不久又有一名孕婦的朋友來探訪，亦拒絕回應任何問題。
放大圖片
來自大陸的李惠蓮上週六下午衝伊利沙伯醫院急症室，當值警員上前查看其護照資料。
放大圖片
記者追問她為何打尖衝急症，她即用被掩面不作回應。
放大圖片
李惠蓮的入院檔案
放大圖片
近年母嬰院新登記嬰兒人數
北區醫院首當其「衝」
而不設婦產科的北區醫院因鄰近邊境，亦首當其「衝」，去年全年就有一百八十宗衝急
症室個案，該院急症科部門主管柯世強表示，每次有孕婦作動到急症室求診，醫護人員
均心驚膽顫，因急症室晚上得兩名醫生當值，人手突然被抽調，令急症服務受阻，延長
其他病人的輪候時間，生命受威脅。「試過有一名早產嬰在急症室出世，體重只有一公
斤，要插喉放入保溫箱，要轉送威院初生嬰兒深切治療部，整個過程非常危急！」而另
一名懷 着孖胎的大陸孕婦衝閘後，醫生擔心三條人命都可能有危險，立即將孕婦送往
威爾斯親王醫院，但都保不住孖胎，分娩後都不幸夭折。他表示要解決問題，除了要設
法減少大陸孕婦衝急症室產子，急症室人手亦有必要增加，「就算一更有三名醫生當值
，已經是危險水平。」
放大圖片
袁小姐在威爾斯親王醫院待產近一個月，坦言內地孕婦衝關產子大為滋擾，「有個夜晚
十一點衝嚟生，嘈咗成晚，搞到冇覺好瞓。」
放大圖片
楊太憶述生產時受盡忽視，加上同房的內地媽媽非常滋擾，結果她生產前後只住了兩晚
便急着出院。
而另一重災區威爾斯親王醫院，問題亦每況愈下，該院早於去年二月已全面停收大陸孕
婦的分娩預約，但衝閘個案卻有增無減，由年初每月只有數宗，大幅增至最近錄得的四
十五宗，佔該部門工作量近一成，擔心龍年產子潮人手更加緊張。記者上週六去到醫院
，發現產房已全滿，於該院待產一個月的袁小姐直言，大陸孕婦衝閘時有發生，「我住
咗一個月，見過兩次。有一個前晚十一點衝閘入 嚟，穿晒羊水，即晚就生 咗。佢 瞓
喺我隔籬，嘈 咗成晚，搞到其他人都冇覺好 瞓。」
居於馬鞍山的楊太，一○年五月於威爾斯親王醫院誕下女兒沐言時，入住的大房同房有
多名大陸孕婦，亦被對方的霸道嚇一跳：「佢 哋為 咗慳酒店錢，每個媽媽都帶有三、
四個親戚拖住大 喼細 喼， 喺病房出面 啲 櫈連續 瞓幾晚，我 瞓近房門，成晚都聽
到佢 哋大大聲傾偈，又不斷嗌凍問護士拎毛毯，結果俾護士鬧番轉頭，嘈到瞓唔到。」
放大圖片
一名雙非嬰在嬰兒床賴屎，家長用紙巾抹了就算，沒有通知當值護士。
放大圖片
粉嶺母嬰健康院內隨處可見以簡體字印刷的警告字句，提醒內地家長要注意嬰兒 衞生。
放大圖片
粉嶺母嬰健康院內長期逼滿內地家長，享用本地免費的醫療及保健服務。
楊太懶理同房的內地媽媽，但到生產時，卻又目擊大陸孕婦的霸道行為，「夜晚十一點
幾，有幾個內地媽媽明明已經穿 咗羊水，但就死都唔肯入產房生，話要 瞓 喺張床度
抖吓先。姑娘發惡鬧佢 哋，先知原來內地媽媽諗住過 咗十二點入產房可以俾少晚錢，
激到姑娘死，嘈 咗好耐先至說服佢 哋入去生。」由於當晚至少有十多個媽媽準備生產
，醫院婦產科人手不足，令楊太的生產過程受盡忽視：「我陣痛 咗六個鐘，但 啲姑娘
根本無時間理我，結果完全無聞過氣止痛，偏偏我痛到出唔到聲，之後又因為埋線做得
差令傷口發炎， 嗰次經驗真係好差！」
健康院失守 產檢求其
放大圖片
居於深圳福田、帶女兒來港打免費疫苗的蕭生蕭太向記者透露，只要肯付錢找中介人幫
手，即使懷孕三十多週的孕婦亦可來港產子。
急症室淪陷，健康院亦告失守。根據 衞生署資料，一○年全港母嬰健康院服務一萬四
千四百名雙非嬰，較○七年飆升三成八。家住北角的李太，去年十月帶着兩個月大的兒
子哲哲到北角健康院度高磅重，波折重重，「我以為改去私家診所打針，哲哲淨係去健
康院度高磅重會好 啲，點知姑娘話太多內地媽媽帶 BB嚟打針，佢 哋做到無停手，既
然哲哲唔打針，就唔幫我約下次覆診時間，佢 哋無時間理我 哋呢啲唔打針 嘅 BB。」
李太當初在醫院做產檢時，已見盡不少麻煩內地媽媽，「要等三、四個鐘先可以見醫生
，因為全場逼爆，一半以上都係內地媽媽，佢 哋唔識聽廣東話，好多時身邊都有個中
介人負責帶路同埋翻譯，再加埋一大堆親戚朋友，一個媽媽帶五、六個人，搞到現場好
逼，大肚婆都無位坐，要 啲姑娘發惡鬧佢 哋至肯讓番個位出 嚟。」
預產期為今年三月的 Cherry，去年十一月在大埔健康院檢查，亦險象環生，「姑娘話
一切安好， BB個頭已向下，但恐怖的事實是， BB的頭仔還是在上面，佢哋只是靠手檢
，而政府醫院就信晒健康院嘅檢查結果，冇同我再做超聲波檢查，後來我買保險去私家
醫生照，醫生話清楚照到仲未掉頭，腳仔向下，仲話血流量唔夠，可能會小產，要我即
刻 bed rest，政府同私家檢查之間只有兩天之差，唔通是我 BB玩 嘢？我覺得政府好
兒戲，點解一次超聲波都冇？如果我信健康院繼續周圍走，真係唔知會點。我老公係公
務員，原本我打算喺政府醫院生，享受應有的福利，而家真係唔敢，被迫去私家醫院生
，你話幾無奈。」
衞生署表示，全港五大最多雙非的母嬰健康院，全部位於鐵路沿線，分別是粉嶺，油麻
地，紅磡，西九龍和沙田瀝源，重災區粉嶺母嬰健康院，六成嬰兒是大陸孕婦所生，當
中九成父母都是雙非。記者於本週一早上九時許到達粉嶺母嬰健康院，場內已有四、五
十對父母帶着初生嬰兒在等候，絕大部分父母都是說普通話的雙非家庭，他們帶同親戚
、推着嬰兒車，拿着大包細包行李坐在登記處前，正等候姑娘叫名入內替嬰兒打針、度
高磅重，記者逗留接近兩小時，雙非家庭不絕如縷。
居於深圳福田區的蕭氏夫婦，帶着五個月大的女兒一早出發，過關到香港，十時許到達
粉嶺健康中心，預算花兩小時打針取藥，中午前便返回內地。蕭太謂，內地孕婦都知道
香港床位緊張，討論區有不少準媽媽分享，加上有朋友教路，所以她懷孕十二週已懂得
致電浸會醫院留床位，順利獲得醫生證明，再來港做產檢，去年八月於浸會醫院生產。
不過，她又低聲向記者表示，即使預約失敗仍有其他門路：「你搵中介人幫手，佢 哋
會有辦法。」
放大圖片
上週六小一統一派位接受申請，上水惠州公立學校早上七點已有家長大排長龍，當中不
少都是大陸父母。（《蘋果日報》圖片）
放大圖片
廖先生和廖太憂心雙非學童來港會分薄教育資源，更擔心因此影響兒子派位結果，最終
要跨區讀書。
小學學額被蠶食
放大圖片
上水古洞村培幼幼稚園有四十名雙非學童，佔全部學生 16%，且有上升趨勢。
香港媽媽除了擔心產子醫療服務被搶，更擔心孩子未來的教育前途受到剝削。因為不少
雙非孩童已長大適齡入學，並大舉跨境到本港幼稚園及小學讀書，衝擊本地教育系統。
根據教育局資料，近年跨境學童暴升，本年度的幼稚園人數多達五千七百多名，是○六
/○七年度的七倍，小學及中學亦分別上升八成及一點三五倍。而北區又首當其衝成為
重災區，小一本年度的統一派位共有八百八十二個，卻有一千六百人輪候，大部分均為
中港家庭或雙非學童，令北區小學學額面臨嚴重不足，學童被迫要跨區到大埔、屯門或
天水圍等區上學，但教育局表示暫未知願意轉區人數。上週六日是小學統一派位申請日
，大批家長趕到上水惠州公立學校辦理小一派位選校手續，港人陳小姐坦言擔心「雙非
」學童分薄其兒子入讀好學校的機會，「我覺得好唔公平，好擔心因為咁搞到個仔派唔
到好學校，不過都冇辦法，只有無奈接受！」另一家長廖太亦非常擔心：「佢 哋霸 咗
啲學位，萬一我個仔派唔到同區，要跨區讀書，都唔知點算！」
上水古洞村培幼幼稚園校長陶小鳳表示，校內二百四十五名學生約八成是中港家庭子女
，另有約四十人是雙非學童，佔全部學生人數一成六，「由○八、○九年開始慢慢覺得
有增加趨勢，學童父母好多住喺深圳福田皇崗一帶，佢哋話香港小朋友的英文和禮貌比
國內都好，所以過來生仔攞居留權讀書。」培幼幼稚園已有五十多年歷史，全盛時期上
下午班共有五百名學生，後來區內人口老化，後生又搬出市區工作，學生人數不斷下降
，十年前就因收生不足差點被殺校，「○一年前香港出生率低，呢度附近又係舊區，唔
多夠學生，當年我哋面對殺校問題，得三四十個學生，呢條河上鄉路前面嗰間愛華公立
學校就殺 咗，我們要生存就要開發一條出路，當年附近有小學帶小朋友過關返學，我
哋就嘗試向內地學童招生，發覺需求好大，我哋就靠佢 哋生存到而家。今年有個家長
由北京飛來學校替個仔報名，我哋無收佢，因為佢個仔冇來。」
放大圖片
培幼校長陶小鳳（中）表示十年前學校因收生不足，面臨殺校，但中港家庭及雙非學童
湧入北區，形勢逆轉，「令我哋起死回生。」
放大圖片
跨境學童人數
中介公司無王管
放大圖片
近年跨境學童暴升，每天下午五時放學時段，都有大批學童過境回家。
大陸孕婦強行來港產子，港府至今仍束手無策，變相縱容中介公司繼續活躍做生意。記
者聯絡深圳一間名為「美好未來咨詢集團」的中介公司，查詢懷孕三十六週以上的內地
媽媽能否到港產子，職員丘小姐即時提議「衝關」，其後便着記者聯絡香港區負責人陳
先生，陳直言：「我 哋可以幫你衝關，去香港私院生仔，全程有專人陪住，你可以放
心。」全套服務總數二十萬元人民幣，包衝關、往返香港交通、床位費、醫院及醫生接
生費、產檢費、醫院延期罰款、辦理嬰兒證件以及十四天住宿等。
放大圖片
深圳美好未來咨詢集團的丘小姐向記者推銷二十萬元人民幣的全套衝關產子服務，更指
公司七年來衝關從未失敗，着記者放心。
記者指出孕婦無醫院預約信恐難以過關，陳即拍心口謂：「之前我 哋會教佢一 啲方法
，譬如坐姿同埋說話語氣，點樣可以淡定 啲，仲會安排特製 嘅黑色衫俾佢著，佢睇上
去瘦 啲，海關就唔覺，媽媽一定過到關。」記者又表示，擔心孕婦衝急症室生產有危
險，陳淡定道：「我 哋唔係安排個媽媽衝急症室，我 哋有相熟 嘅私院醫生，到時會
當你係緊急剖腹生產，無床位都生得，俾 咗錢就會話你知係邊個醫生。」記者其後到
該公司位於深圳的辦公室商討衝關細節，職員丘小姐說：「我們會有車直接載你從皇崗
過關，那裡二十四小時通關，晚上過關就會容易點。」丘謂，孕婦衝關全程均毋須露面
，只要坐在車上，職員就會代勞過關手續，甚至產前產後都服務周到，「產前可選在香
港或深圳關口待產，會有專人陪同；產後又會代辦所有證件，護照、回鄉證那些要等幾
星期的，我們拿到後可再寄給你。」
放大圖片
雙非嬰掠$2,078億公帑
入境處過去三個月共拒絕七百六十二名大陸孕婦入境，較去年初急升約一倍。入境事務
主任協會副主席倪錫水表示，近半年有多宗口岸人員被無醫生證明書的大陸孕婦襲擊事
件，「當我哋職員拒絕佢哋入境後，佢 嘅家人或者中介人就會發爛渣，當事人又即刻
話唔舒服，總之唔肯走，我哋職員再勸佢時，就大聲叫做咩掂我，跟住就用手拍打，預
計呢類麻煩情況會繼續出現。」
雙非來港產子衍生日後醫療、教育、住屋及福利等連串問題，新民黨主席葉劉淑儀表示
民情已經不容忽視，「而家問題大嘛！呢個係本地同大陸人 嘅矛盾，香港人覺得俾大
陸人踩到上心口，呢個問題唔係用錢可以解決 嘅。如果政府不能自行解決，冇更好 嘅
做法，就要釋法去截龍，取消佢 哋居留權先得 㗎！其實我十年前做保安局局長
時都諗過唔俾佢 哋居留權，警告話會吸引大陸人 嚟香港，但當年終審法院話無問題，
我 哋都唔想隨便釋法，咁會對司法有影響，但而家情況已經唔同 咗，連大肚婆落住雨
都要上街遊行，真係好陰功。」
放大圖片
○一年發生的莊豐源案令雙非嬰享有本港居留權。（《蘋果日報》圖片）
放大圖片
入境事務主任協會副主席倪錫水表示，近半年有多名口岸人員被無預約的大陸孕婦襲擊。
撰文：黎明輝、周潔媚、馬梓皓
攝影：郭永強、羅國輝、江永健、王偉洪
資料：李寶瑜
插圖：劉志誠
n**[email protected] |
|
|
|
|
|
|
